徐少強在70年代演過不少大俠角色，形象深入民心，79年憑《天蠶變》雲飛揚一角走紅。而他的感情生活亦很精采，徐少強與首任妻子分開後，便與雪梨相戀，雖然二人沒有正式註冊，當時18歲的雪梨甘願為了他當未婚媽媽，兩人88年分開，早前雪梨接受傳媒訪問，表示多年來自己獨力撫養一對子女，從來沒有收過贍養費。


傳偷嗒艷星
徐少強於04年再娶比他年輕30歲的內地女舞蹈員，對方再為他誕下一女一子，現時大女已經13歲，細仔則6歲。去年4月，內地傳媒報道指徐少強背老婆搭上23歲艷星羅雲琦，事後徐少強即與羅雲琦劃清界線，稱與對方只是合作過拍戲，又指女方經常主動「黐埋佢度」，他為免誤會已早認對方做契妹。


雖然與艷星傳緋聞，但未有影響徐少強和太太感情，日前夫婦二人帶同一對子女現身中環歐陸嘉年華享天倫。當日約下午5時，本報記者首先發現徐少強和太太蹤影，兩人齊齊站在吸煙區一呼一吸，而且兩公婆煙癮似乎頗大，短短五分鐘已吸了兩支煙。
細仔扭肚餓


最初以為徐少強與老婆撇甩子女，拍拖享受二人世界，但發現他們之後行去馬戲團門口等人，兩人似乎企到累，就轉去美食廣場找地方坐。徐少強老婆見老公坐下，即第一時間走去買飲品予老公解渴，相當體貼。見二人等了差不多一個半小時，等到無聊時，徐少強更四圍行，看看別人玩機動遊戲，最終在人群中見到有一位女孩及男孩出現，原來當日夫婦做廿四孝父母，帶一對子女到嘉年華狂歡，囝囝玩完更扭肚餓，於是徐少強和老婆帶小朋友買棉花糖後離開。


徐少強事後接受本報記者電話訪問，他說：「係呀，我同太太同啲細路，同佢哋返嚟過聖誕過元旦咋嘛，元旦後走。我喺橫店開緊工，放假幾日陪佢哋。」徐少強透露最近有兩部電影在身，分別是李仁港的電影《刺局》，另一部是《木槿花之西月錦繡》。提到去年和內地艷星傳緋聞，徐少強表示：「嗰啲笑話嚟嘅，佢都猛話唔好意思，佢話唔係佢傳出嚟，係啲記者亂咁寫。」