渣打香港馬拉松將於聽日舉行，已經第4年跑渣馬的崔碧珈（Anita），今年以個人名義報名參加跑半馬。一向有跑步習慣的Anita，上月底已開始進入備戰狀態，每日幾乎都會練跑。相信不少人會有疑問，女士們跑這類長跑，如何保護胸部？尤其上圍較豐滿的女士，跑步前要有甚麼準備？
擁有36G魔鬼胸及健身教練牌的Anita，日前接受《蘋果》訪問，分享經驗予首次參加馬拉松的朋友，由拉筋到飲食至心態，應該如何準備。講到女士跑馬拉松，擔心長時間彈跳，引致胸部下垂及有疼痛感，Anita指無須過份擔心，因為市面上有很多運動型Bra選擇。
Anita表示：「市面上有好多sport bra，揀嘅時候唔好只係睇款，一定要揀啱支撐強度嘅bra。」她又謂：「可能有啲初跑者會諗，都係跑一次啫，戴番平時啲bra都OK啦，咁樣對胸部係唔好，而且因為承托力唔夠，跑嘅時候都會好辛苦。」
其他跑馬拉松前的禁忌，Anita指生活節奏、飲食和心態都很重要，「我今年起跑時間係8點，但好多清晨5點幾已經起步，好多時都會唔夠瞓，咁樣跑都係唔健康，個人經驗係跑之前至少一星期，習慣早睡早起，咁到跑嗰日唔會太辛苦。」而飲食方面，Anita表示：「我基本上喺跑之前嗰個星期都好少出街食飯，亦唔會食太辣嘅食物，減少腸胃不適機會，跑嗰日會帶定水，因為水站相隔唔算太近。」
不過，Anita認為調節跑馬拉松心態都好重要，千萬不要有比拼的心。她說：「好多人會同幾個朋友一齊報名跑，個個人體質都唔同，唔好同朋友有比較之心，因為跑步係同自己比併，如果同人比較夾硬跑會有危險。」講到跑步期間忽然出現抽筋情況，Anita指自救方法一定要盡快停下來，再找一個安全的位置坐下，脫下波鞋再慢慢按摩小腿等位置，亦不應再勉強跑下去。
渣打馬拉松即將舉行，為安全起見，Anita建議了跑步前一星期的宜忌。
【禁忌】
1. 前一星期切勿過份操練，以免受傷。
2. 勿穿全新跑鞋，以免不適應影響跑步。
3. 跑前一星期不要食太辣及刺激食品。
4. 切忌有比賽心態，要盡力而為。
5. 女士們不應穿戴普通胸圍。
【適宜】
1. 起跑前至少預留30分鐘至1小時warm up。
2. 沒有經驗者，跑長途最好自備飲用水。
3. 建議用跑步腰包放簡單個人物品。
4. 天氣不穩定，建議帶備擋雨帽。
5. 女士們穿戴強度合適的sport bra。
精選娛聞，喺晒《娛果》
http://fb.com/appledailyent
 （攝影、影片：林賓尼） |  崔碧珈近日忙備戰渣馬 |  拉筋是必要的 |
 |  Anita指要注重體力之餘，心態也很重要。 |  是跑步當天的穿着也會有影響 |
 Anita試跑幾步也是熱身之一 |  |  Anita提到跑步時萬一抽筋，一定要盡快停下來，找安全的位置坐下，脫鞋按摩小腿等位置，不應勉強再跑。 |
