「不能錯過的女友」唐詩詠今晚封視后，同盲俠王浩信封視帝一樣，邊個攞，都會有人有意見嘅。點解唔可以雙視帝呢？馬明係做得好，王浩信又做得好，一齊封帝唔好咩？點解一定要重演番2012年、馬明憑《On Call 36小時》「一件頭」張一健殺入視帝最後五強嘅歷史，大台俾個「我最喜愛的電視男角色」佢，視帝由三度封帝嘅《大太監》黎耀祥捧走。
馬國明一定要攞豬肉獎嘅？
至於唐詩詠封視后，大熱Mall姐宣萱缺席，另一大熱之選田蕊妮實力係有，但可能冇planning谷宣傳，所以變成宣唐之爭。最後由唐詩詠勝出，最喜愛女角色由《踩過界》癲姐蔡思貝奪得。
網民於是就blablablablabla，King Jer都喺fb開post，圖係唐詩詠拎獎，tag係黑人問號.gif #咁都得 #笑咗。
最多like嘅留言暫時係呢句：「最黑人問號is大塊田五名都冇」
King Jer回覆：「發緊夢無聽，翠如有無？」
其他負評包括：
「真係x出聲！本身唔憎佢，但佢憑咩？仲有宣萱先係女一！成套嘢都唔覺佢係女主角！」
「我仲以為睇緊琴晚套《福祿壽》頒獎典禮添！」
「唐XX做嘅角色淨係識喊，俾人恰個啲角色。選前又不斷造新聞，同洪XX拖泥帶水，唔知想點。」
下刪一千字…
亦有人發現，唐詩詠喺宣佈最受歡迎電視女角色係蔡思貝時，一臉愕然，唔似得李佳芯咁真心戥蔡思貝開心。
但其實最黑人問號嘅係，點解King Jer呢個post，有近三千個like，但一睇，點解大部人都係來自俄羅斯、烏克蘭等等亞洲以外地區？而二千幾個嬲嬲裡面，大部份卻來自香港…
究竟點解咁多外國人一齊like唐詩詠呢？佢哋平時有冇follow開King Jer嘅呢？
 「不能錯過的女友」唐詩詠今晚封視后 |  |  King Jer呢個post，二千幾個嬲嬲裡面，大部份卻來自香港… |
 而有近三千個like，點解大部人都係來自俄羅斯、烏克蘭等等亞洲以外地區？ |
