謝霆鋒近日曝光率非常之高，出席各大音樂頒獎禮又出新歌，似乎有意回歸香港樂壇，霆鋒仲話會出咗碟先睇反應，再決定會唔會開演唱會。
不過今日晚上霆鋒經理人公司英皇娛樂突然發聲明，指近日有人自稱負責「宣傳同組織」霆鋒2018巡迴演唱會，提供售賣門票服務。而英皇表示冇授權任何公司或者人仕使用謝霆鋒嘅肖像權、聲音、形象同名稱，亦都同發佈上述消息嘅人仕冇任何形式合作，簡單啲講即係呢個「演唱會」係假嘅。
據悉，近日有人印咗張名為「異想天開」嘅海報，仲印有霆鋒嘅相，聲稱霆鋒今年會喺開演唱會，仲以呢個名義賣飛，話嚟緊會係上海開，仲真係有fans上咗檔買飛。有啲fans中完招再將啲飛炒到6千蚊張。而Mani表示已經聯絡新浪，希望搵出賬號持有人。
