日前鄧麗欣（Stephy）憑電影《空手道》獲「第24屆評論學會大獎」選為最佳女演員（新聞連結：http://bit.ly/2F5Vh96），連日嚟慶祝不斷嘅佢噚晚參加咗個party，仲可以戴上唔少香港女仔都曾經夢想過嘅港姐后冠同權杖，難怪Stephy大叫：「阿媽我得咗喇！」


原來噚晚係Stephy經理人公司搞party，同場仲有好多同門，包括張晉蔡少芬夫婦、陳法蓉、朱茵同老公黃貫中（Paul）等，而陳法蓉更帶嚟放喺儲物房嘅港姐后冠同權杖（新聞連結：http://bit.ly/2E5JI2b）拎埋嚟party度，Stephy梗係把握機會，一嘗「港姐冠軍」嘅滋味。


Stephy戴上后冠後，擺出一副當選又好驚喜嘅表情，佢貼相上Instagram後仲留言：「阿媽我得咗喇！」然後佢喺啲hashtag度大爆自己用過頭箍扮后冠，又話梳扮權杖，仲話冇諗過自己有咁嘅一日，仲話只係爭件斗篷。而Stephy喺下一個post，感謝后冠同權仗嘅物主陳法蓉。


至於陳法蓉亦有喺自己個微博貼相，話係慶祝經理人公司10周年，同時亦賀好姊妹蔡少芬同張晉結婚10周年，佢哋仲以星星同閃閃做主題，所以張晉同Stephy都將燈飾掛上身，搞到「撞衫」。




Stephy戴到港姐后冠同權杖，配埋呢個表情，fit晒！（鄧麗欣Instagram圖片）物主其實係陳法蓉（陳法蓉微博圖片）然後陳法蓉話個party仲祝埋蔡少芬兩公婆結婚周年（陳法蓉微博圖片）
仲有朱茵（左）（陳法蓉微博圖片）（陳法蓉微博圖片）（陳法蓉微博圖片）
陣容好墟冚（陳法蓉微博圖片）