浸會大學日前有學生為咗反映校政，於校內抗議時以粗口辱罵教職員，事件於網上流傳後引起好多好多迴響。（新聞連結：http://bit.ly/2DHxP50
）
呢次學生抗議，事源係因為學生不滿學校嘅普通話考試制度，總括幾點：
1.唔及格冇得畢業
2.唔同種族學生要考唔同難度嘅課程
3.考試要求苛刻，只有三成學生合格
4.校方一直搬龍門，而且透明度低
噚日浸大有初步處分，其中兩位學生要暫時停學，浸大文學院副院長羅秉祥兩度撰文替學生發聲。事件受社會關注，日前馬浚偉都喺facebook表達佢嘅睇法，主旨喺佢張貼圖到講晒：「尊師重道」。
馬浚偉撰文稱學生：「不管是什麼原因、理由、動機、又或是你們有多深多大的苦衷，浸會大學那一群同學們，你們真的做錯了！而且是很不堪入目和讓人心痛的錯！（略）你們對老師的那種無禮、那種凶惡、那種聯群結黨圍堵式的要挾和威嚇，看得人又恨、又痛！」
馬浚偉喺文中建議學生：「可以用其他和平有理有禮的方法向校方、或社會公眾提出或公開申訴！」、「校方是否有任何處理上的不當不公或不妥？自有公論！」
反普考試未完，好多網民見馬浚偉撰文，都喺佢facebook「公開申訴」…即係留言啦，有人話「有學生話已經用盡好多和平嘅方法去爭取過，但校方仍然耍無賴，你又點睇？」、「最可悲嘅係學生要出賣自己名譽嚟換得公眾關注」
馬浚偉對於呢啲回覆講得出做得到，保持心平氣和咁稱，願意再去了解事件，又話下次有時間可以再傾下：「只要核心問題是正確，就可以在和理非非（和平、理性、非暴力、非粗口）下堅持自己的態度！」
馬浚偉多次回覆網民留言，強調「不能一竹篙打一船人」，又表明「凡事要不偏頗，也要中立客觀，我也在學習當中」，網民即指出：「你嗰句『不理什麼原因』就已經係偏頗啦。」
對於網民質疑馬浚偉不敢於政治議題發聲，如律政司司長鄭若驊僭建，以及上次警察集會，警員集體爆粗一事點睇，馬稱：「No，上次我完全反對警察集會公開爆粗！不能！另，同意，鄭司長必須面對和交代事件，她已開始，要再看後續！」
有網民爆粗指摘馬浚偉扮中立，馬浚偉cap圖回應：「不管發生任何不滿或有意見要表達，又或是立場有分歧和態度各異，都不應該用這些言語去侮辱別人! 做人待人接物，還是以禮相待，謙虛自省，才能讓你在社會上立足！」
不如以林日曦fb作結：
「周圍去睇下浸大單新聞啦諗住，
點知見到有好多人喺啲留言度用粗口鬧個學生講粗口。
睇到我打晒冷震」
 |  馬浚偉日前喺facebook話浸大學生，無論有任何理由，都唔應該講粗口。 |  |
 有人反映，學生其實用過好多方法，同馬仔理性討論。 |  |  |
 |  仲有人講，社會上有好多事件要關注。 |
