由黃子華編劇、執導及主演的賀歲片《楝篤特工》，除了邀請佘詩曼主演，還有鄧月平、蘇麗珊、C君及林慧韡（達哥）拱照子華神，4位演員日前於金鐘接受訪問，兩位青春女神於戲中有性感Lolita造型，C君大飽眼福，達哥更自言係蘇麗珊身上攞盡着數，C君笑指達哥還好意思攞片酬。
鄧月平及蘇麗珊於戲中飾演同一隊女團組合成員，鄧月平說：「我係一個多疑嘅隊長，同蘇麗珊不和，本身奮鬥好多年，自蘇麗珊加入之後，自己被比下去，更加唔鍾意蘇麗珊。」蘇麗珊指自己角色吸引很多宅男fans，佢話：「我哋出名程度好似AKB風靡日本咁誇張，我哋組合中有兩位係專業舞蹈員，我哋排咗隻舞，同佢哋一齊跳，又唔能夠跳得太差，導演揾咗100人，搭咗個台同我哋跳。」鄧月平說：「我身為女團隊長，但係真實嘅我跳舞一啲都唔叻。女團服裝非常性感，性感得來可愛，Lolita短裙，條裙長過條褲，見到蘇麗珊雙腳，好瘦好直好靚。」
C君於戲中飾演子華的助手及一名特工，底蘊是毒男一名，C君話：「我好鍾意鄧月平同蘇麗珊一對組合，之後更非常迷戀蘇麗珊。」今次由黃子華擔任導演編劇，C君話：「今次完全冇爆肚同改對白，每次拍所有嘢我不停改人哋啲稿，希望好笑啲，但今次個劇本係子華編，係唔使改，當然都唔敢，做得番出嚟就好，一字不改，佢就有臨時改，改聽日嗰啲俾你，佢寫咗兩年喎。每日睇偶像咁，獲益良多。平時講嘢講人類起源，我都鍾意，介紹我睇幾本書，都知我冇乜墨水，一路拍一路睇，可以同佢吹人類起源。」
蘇麗珊表示，有請教子華在角色上的問題，蘇麗珊笑言：「改劇本對白都有問過佢，佢話我劇本當然唔能夠改，我話梗係啦。我有問佢，如果作為演員，如果覺得有對白需要改，應該點做，純粹請教佢，佢話可以改但唔好改佢嗰啲。」鄧月平話：「子華嫌我太無聊，我嗰日喺佢面前攞起個膠袋，問佢似唔似三文魚，佢唔理我、冇應我。因為我係新人，子華安排我預先排戲，演俾佢睇，並指導我點樣演。」
於戲中飾演老師的林慧韡（達哥），同蘇麗珊發展師生戀，達哥自喻在戲中是一名禽獸體育老師，佢話：「見到蘇麗珊咁靚嘅女中學生，就忍唔住下毒手，精神上同肉體上攞晒着數，佢就慘啲，結果讓成套戲，子華查我，揭發有啲驚天大陰謀。一個最着數嘅人渣乜都攞齊晒，連佢個人同個心搓圓按扁，好多拳頭同腳肌膚之親。」
 黃子華編劇、執導及主演的賀歲片《楝篤特工》，除了邀請佘詩曼主演，還有鄧月平、蘇麗珊、C君及林慧韡（達哥）拱照子華神。 |  鄧月平及蘇麗珊於戲中飾演同一隊女團組合成員。 |  |
