(攝影：黃曉妍) |
鍾慧冰同女兒林靜莉，寇鴻萍同女兒唐貝欣今晚喺旺角為奇妙電視《喜出望外-兩代賀新春》節目錄影。
鍾慧冰話今年新年唔會出埠，但係會同女兒一齊出動：「初二初三會去深水埗探長者、派福袋，帶佢去拜年。」鍾慧冰上年患脈管炎，全身血管發炎，所以上年都無去旅行，佢話：「依家9成康復，知道健康好重要，右手右腳有啲麻痺，做物理治療，同屋企人去咗菲律賓，女好乖全程照顧我，自己唔好放棄，之前想出街出唔到，依家好感恩，所以，想做嘅野，快啲去做，唔好遲，我就無興趣滑雪，但係我可以去望下啲教練。」
寇鴻萍就話初三去北海道滑雪：「係每一年嘅家庭活動，女兩歲開始，年年都係。」雖然唐貝欣由細玩到大，但係媽咪係唔俾阿女考牌：「怕危險，怕佢斷手斷腳。」唐貝欣話：「玩咁多年，自己無受傷，幾年前媽咪試過撻親傷腰骨，地下太硬，自己唔郁得，經過救護員照顧，休息幾日，之後全程坐輪椅，返到香港即刻check。」
