黃依汶（Emme）今晚同失戀嘅何佩瑜（Jeana）、莊端兒等，今晚到銅鑼灣出席名牌專賣店Fashion Luxury開幕禮。Emme話今次係嚟撐好友嘅，講起購物，佢話呢3年主要都係買嘢畀囝囝陳真，自己連手袋都買少咗好多：「我試過一晚可以買5位數字嘅嘢畀個仔，之後要即刻放返張卡入櫃桶，同三年前差天共地。依家一年慳返五至六位數字嘅買袋錢，依家係買奶粉袋。」
講到最近流感肆虐，Emme就唔畀陳真返playgroup，連人多嘅地方都唔敢去。「嚟緊下個月會去旅行，唔希望佢病，依家日日飲檸檬水，又用精油按摩，增強抵抗力。」今次繼續同鄭希怡等一班人去雪地旅行，但Emme就爆老公投訴冇二人世界，Emme仲話依家已經開始播snowboard嘅片俾陳真睇，當係預先訓練吓佢。
之前佢哋去泰國旅行，Emme嘅側身露半球泳照相當搶眼，Emme就話嗰張相構圖好好，咁啱又同陳真錫錫，覺得好靚。會否同閨密比身材？她稱：「每次大家去旅行都會操一操，其實阿丁（丁丁應采兒）身材相當好，不過企喺我同Yumiko身邊就話我哋高，Yumiko就下身好靚，我哋會研究身材，係密友嘅好處。」
 |  黃依汶（Emme）今晚同失戀嘅何佩瑜（Jeana）、莊端兒等，今晚到銅鑼灣出席名牌專賣店Fashion Luxury開幕禮。（攝影：仇志德） |  講到最近流感肆虐，Emme就唔畀陳真返playgroup，連人多嘅地方都唔敢去。 |
 |  之前佢哋去泰國旅行，Emme嘅側身露半球泳照相當搶眼。（IG圖片） |
