邱淑貞三點不露爆紅 關秀媚同王晶緋聞傳足7年

2018-02-05

幾乎所有「晶女郎」都同王晶傳過緋聞，其中以邱淑貞嘅發展最成功，三點不露都可以爆紅，可惜吳雪雯剝衫仍未能一脫成名！

邱淑貞
喺《赤裸羔羊》、《賭神2》、《不道德的禮物》等電影都有性感演出，被王晶成功捧為性感女神，多次被提名角逐金像獎影后，又同王晶傳出緋聞，99年嫁沈嘉偉後息影。

關秀媚
擁34D身材嘅關秀媚係第一代晶女郎，87年拍《精裝追女仔》，99年喺三級片《強姦終極篇之最後羔羊》有大膽演出，同王晶嘅緋聞傳足7年，10多年前退出娛樂圈，同男友李尚文感情穩定。

孟瑤
34E身材惹火嘅大陸女星孟瑤拍新版《七擒七縱七色狼》，喺《我老婆係賭聖》中更有疑似露點演出，11年嫁大陸富二代老公周磊，喺婚宴上攬住大晶喊。

童菲
27歲童菲係新一代「晶女郎」，擁爆乳身材嘅佢喺《賭城風雲》扮演周潤發女兒，繼孟瑤後另一位大陸晶女郎，惟3年前向王晶提出解約，王晶改捧胡然頂替。