胡杏兒喺舊年10月為老公Philip Lee生咗兒子李奕霆（Brendan），因為要餵人奶嘅關係，杏兒喺工作上作出調整，嗰陣有周刊報道話杏兒為咗阿仔推job，不過佢接受《蘋果》訪問就話：「我冇推晒啲job咁誇張，我一樣都有接job，只係因為我仲餵緊奶，唔可以接啲離開香港太長時間嘅嘢。」(新聞連結：http://bit.ly/2G2tRl1)
不過話晒Brendan已經有4個月大，杏兒喺工作上亦都有所調整，好似日前佢喺微博留言，原來佢去咗上海做嘢，不過佢都冇忽略阿仔，隨身帶埋揼奶器，佢仲留言話：「第一次離開寶寶，帶著消毒器及所有用具到上海工作，為的就是希望可以把母乳帶回家給寶寶，幸好酒店可以幫我們冰奶，事前一切準備好，就不用擔心了！！」
原來今次老公Philip都有同行，佢都有喺新開嘅微博貼咗啲相，睇嚟都玩得好開心，不過杏兒噚晚喺微博留言話：「我的回鄉證丟失了，我現時在上海浦東機場，應該怎麼辦？我還能回家和兒子過年嗎？」結果有唔少網民留言睇吓有冇辦法幫到佢！估唔到呢個上海之旅竟然發生呢啲不快事！
中午近一時，杏兒再更新微博，並貼出一張出入境通行証，留言﹕「感謝所有所有好朋友的幫助，讓我可以趕回去工作及過年，讓大家擔心了，也給大家添麻煩了，在這裡和大家說一聲很抱歉也很感謝！現在，我要回家啦，提前祝大家新年快樂！再一次再一次的謝謝你們！」
有網民笑言：唔知代表建制派出戰九龍西立法會補選嘅民建聯鄭泳舜，有冇幫杏兒出過力呢？
 杏兒喺微博自爆唔見咗回鄉證。(微博截圖) |  杏兒第一次離開囝囝去上海做嘢。(ig截圖) |  (微博截圖) |
 杏兒透露可以回家了。(微博截圖) |  |
