「少婦聯盟」兩位成員陳凱琳同沈卓盈今日喺將軍澳新都城中心出席新春活動，即場示範煎年糕，期間沈卓盈3吋事業線若隱若現，兩人又親自餵男fans食糕。
陳凱琳表示平日多數煮西餐，沈卓盈較常煮中餐：「我試過斬雞髀，啲雞骨飛咗落電飯煲度，又試過剪蝦腳，剪完佢死咗喺我手上，我覺得好殘忍。」佢哋話「少婦聯盟」平日都會齊齊下廚，已相約年初八到蘇玉華屋企拜年。
提到「少婦聯盟」早前又拍床照又拍泳裝（新聞連結：http://bit.ly/2nWvzxJ
），陳凱琳笑謂下次相約做Spa，沈卓盈說：「其實我真係第一次影床照㗎！」陳凱琳續說：「其實我哋本身係喺泳池影㗎！不過影嗰日橫風橫雨，咁我哋又借哂衫，於是就去浴缸同床影。」佢哋仲笑言平日會互相為對方做攝影師，外出唯一活動就係影相。
