韓國女團Wonder Girls（WG）雖然於上年宣佈解散，不過成員之間依舊感情要好，當中元祖成員譽恩及泫雅更於WG出道紀念日約埋一齊去睇展覽，真係非常老友。


噚日係WG出道11年嘅紀念日，譽恩及泫雅分別於Instagram公開一齊睇展覽嘅照片，譽恩更留言：「跟泫雅約會時先發現今日係11周年啦。歲月實在係......大家都健健康康地過著幸福嘅日子吧！」另外，泫雅將於下月10來港開騷。