唐詩詠同張曦雯今日喺旺角出席「情人節禮物攻略活動」，兩人大騷性感，前者為者短裙騷腰及美腿，後者著吊帶裙。詩詠笑指只要靚就可抵得冷。
詩詠喺活動中指情人節禮物最難諗，但後來發現男士最鍾意收到IT用品，又透露自己嘅手機密碼會用男友嘅生日日期，事後問佢係咪用洪永城生日「1206」作為密碼？佢聽完即刻嗆親咳，然後笑住話：「唔講，俾你知道咪好危險；我冇乜記性，所以好多重要日子都唔記得，以前都試過，瀨過野，好彩0依家有科技幫我記住，加上開工太忙，我要mark低。」張曦雯笑指：「我會用自己諗嘅密碼，唔可以俾情人知，我以前試過check男友電話，越check越發癲，因為我直覺好準，0依家唔會咁做。」
情人節快到，有冇買定情人節禮物？詩詠話：「送畀邊個？送畀我自己？咁要揀得好啲。」今年單身過情人節，會唔會好悶？佢話：「好彩近農曆年，而情人節當晚係《我的情敵女婿》首映。」洪永城會唔會睇？佢表示唔知英皇有冇邀請對方，佢認為朋友應該入場支持。
講到堪輿學家麥玲玲指張曦雯來年行性感會更紅，佢笑言會keep住性感，多去旅行，多著泳衣曬黑。提及情人節，張曦雯表示要自己單獨過。
 攝影：仇志德 |  唐詩詠同張曦雯今日喺旺角出席「情人節禮物攻略活動」。 |  |
 詩詠喺活動中指情人節禮物最難諗，但後來發現男士最鍾意收到IT用品。 |  |  張曦雯笑指：「以前試過check男友電話，越check越發癲，因為我直覺好準，0依家唔會咁做。」 |
