今日有報道指31歲嘅吳雨霏（Kary）懷孕3個多月，最近謝絕一切公開活動，專心養胎。


Kary前年曾經不幸小產，幸得老公洪立熙（Brian）一直在身邊扶持，漸漸走出傷痛。(相關新聞﹕http://bit.ly/2ExqNQp)有指Kary原本打算今年初喺大陸開巡迴演唱會，但去年11月，所屬嘅環球唱片公司突然煞停，發聲明表示Kary因練舞觸及膝蓋舊患，決定取消今年1月13日的中山演唱會。而剛過去嘅樂壇頒獎禮，Kary均沒有參予。


消息指，Kary為免有閃失，唔想畀自己太大壓力，加上依足傳統BB未滿3個月唔可以周圍講，所以一直都保密，只有雙方家長及閨蜜鄧麗欣等人知道。早前Kary喺ig亦有感而發，hashtag「感恩才會快樂」，話希望自己將來嘅孩子都可以時刻抱著感恩的心。「我曾經因為不懂感恩，對事事都有所渴求，怎樣也覺得不滿足，否則人生應該會再開心一點。」而Kary暫時未有回覆。


另外，Kary之前小產，有傳Kary一直懷疑係好姊妹楊愛瑾（Miki）洩密，令兩人關係決裂。今次Kary傳再度懷孕，Miki亦大方送上祝福，回覆《蘋果》時稱﹕「我唔知道，如果係真嘅話，就恭喜恭喜！好開心！」




Kary被指秘密懷孕3個多月，但好低調，只有幾位閨蜜知道。(ig圖片)初戀男友兼老公洪立熙一直在旁支持Kary。(ig圖片)(資料圖片)
Kary嘅身材向來fit到漏，但懷孕後身材走樣，相信佢都完全唔介意。(ig圖片)