郭富城、梁詠琪(GiGi)主演，鄭保瑞執導嘅《西遊記女兒國》即將上映。三位早前接受奇妙電視《同Sing同戲》主持訪問，講到拍攝過程同合作趣事。
GiGi話今次演出犧牲好大：「我嘅造型係眾多女演員中最突出嘅，每日要花五個鐘頭將髮線向後移，打造M字額，又要戴勁重嘅皇冠，好吃力。不過效果出嚟出奇地好，好有霸氣。」導演笑言GiGi平日螢幕前形象斯斯文文，今次演強硬國師非常考演技，希望可以畀觀眾眼前一亮感覺。而郭富城笑言GiGi嘅國師造型太深入民心，反而見真人很不慣。
郭富城話今次再演孫悟空，直言挑戰好大之外，仲每日係片場食花生:「每次化妝都要用好多精神時間，因為面上貼滿毛，嘴部唔可以有大動作，無啖可食，望住別人食漢堡包，我只可以食花生。」佢又話演出時好多臉上嘅細微表情都表現唔到，只可以用眼神同誇張嘅肢體動作嚟演繹。佢笑言今次導演委派畀自己嘅任務係嚟搞笑，希望透過誇張演法，令大家會心微笑。
