曾幾何時一眾新聞主播，都是不少人心目中的男神、女神，可惜近年走主播掀離巢潮，排隊辭職。人才青黃不接，電視台頭痕，但主播們外闖卻處處開花，大家都有好成績。
踏入新一年，八位在不同時期擔任新聞主播或天氣女郎的前主播，齊集尖沙嘴食團年飯慶新春，當中包括腹大便便的蔡雪瑩（Snowy）、新婚不久的林燕玲（Ruby）、第一代天氣女郎黃婉曼（Icy），兩子之母鄭萃雯（Karen）、人父葉昇瓚（Daniel）、人夫姚雋彥（Everest）、人妻駱文捷（April）及八位中年紀最輕的陳美茵（Audrey）。
Icy坦言過往從未試過這樣齊人聚首食飯，開餐前當然要應節齊齊「撈起」。難得齊人當然要分享近況，去年7月榮升人母的Icy，現在忙於湊女兒，又要打理麵包學校生意，開舖後先知有好多事處理，但始終囡囡至上：「好唔想錯過囡囡嘅成長，所以依家每日都會同佢影相，出門口就最唔捨得，要用一個鐘同佢say goodbye！」
前年為老公朱威霖誕下得意B仔的Snowy，早前宣布再懷孕，現在陀B五個月她，表示最近忙為兒子入學面試，又自認「好癲」，替囝囝報了10間學校。她說：「做咗媽咪先知依家學校面試連父母都要in，我又同囝囝整咗個profile，要剪埋片，依家一個星期至少有兩日係要去面試。」
去年4月榮升人妻的April離開主播枱後轉職市場推廣及公關工作；與任職醫療公關公司任顧問的Karen都過咗一個好忙嘅年尾。新婚的Ruby則自爆廚藝欠佳，故新年期間除會爭取時間見朋友，希望可以精進廚藝。
至於Daniel，太太去年再為他誕下一子，湊成「好」字，現於財經公司任公關的他，自認是好爸爸，即使換尿片都難不到他。佢又會同現於樂視負責體育相關工作的Everest 齊齊「拉客」接freelance工作。前年離開無綫，和男友合資創業搞網上新聞平台的Audrey，表示新一年依然會將全副心思放在工作上，希望有更好成績。
攝影：沈健程
影片：馮峰
場地提供：利寶閣 (The ONE)
