粵劇名伶白雪仙向來都德高望重，每逢新年都有唔少後輩到佢屋企拜年。今年農曆年，資深傳媒人汪曼玲就去咗仙姐屋企拜年，同場仲有張家輝一家三口、陳寶珠同囝囝楊天經及新抱，真係好熱鬧呀！


汪曼玲噚日喺社交網上載咗幾張合照，留言﹕「張家輝與仙姐住樓上樓下，初一，一家三口到仙姐家拜年。」原來家輝同仙姐係鄰居，仙姐見到家輝都好開心，即時攬攬。不過，最令人讚嘆嘅係53歲嘅關詠荷，住樓上樓下真係唔使化妝，原來佢素顏個樣依然好省鏡，影大合照時仲好sweet咁挨落老公家輝個膊頭度，真係一對好恩愛嘅夫妻。而家輝同關詠荷嘅囡囡張童今年已經12歲，長得亭亭玉立，個樣似足爸爸同媽媽嘅混合體，越大越靚女。


而寶珠姐仲跪地向師傅仙姐斟茶，仙姐就俾番兩封大利是寶珠，大家都開心笑到四萬咁口。




關詠荷唔化妝都咁睇得，囡囡就係佢同老公嘅混合版。(汪曼玲fb圖片)原來家輝同仙姐係鄰居，大家住樓上樓下。(汪曼玲fb圖片)(汪曼玲fb圖片)
仙姐見到影帝家輝好開心，即刻攬攬。(汪曼玲fb圖片)汪曼玲與家輝兩公婆合照。(汪曼玲fb圖片)陳寶珠跪地向師傅白雪仙斟茶拜年，自己就收兩封大利是。(汪曼玲fb圖片)