仲記唔記得鄭伊健首名曲《動地驚天愛戀過》？其中一句歌詞係「那麼瘋癲過 那麼珍惜過 那麼動地驚天愛戀過」，如果用嚟形容「峯語戀」主角林峰同吳千語，相信都冇乜錯。
「峯語」於2012年因合作電影認識，繼而撻着，到2013年2月，林峯公開認愛，仲話只係「做男人該做嘅事」（新聞連結：http://bit.ly/2EwQVI7
），兩人拍拖不久已外遊，預支蜜月，5年以來愛得痴纏又高調，不過，近月傳出「峯語」情不在（新聞連結：http://bit.ly/2zj6hg1），雖然兩位當事人隻字不提「分手」兩字，但接受傳媒訪問時，千語BB同林峯都明顯好避忌，關係變得好生疏，最近返咗香港嘅千語BB，就寧願約朋友嘆茶，都冇同林峯見面。
日前下午4點幾，千語BB同一名女性友人現身銅鑼灣，佢哋喺加寧街一間coffee shop飲咖啡食cake，期間千語BB全程心情表現幾靚，同朋友有講有笑完全唔似受情傷。嘆完咖啡後，千語BB同朋友各自走，佢call咗自己同林峯用開嘅御用的士接佢，然後去咗跑馬地一個服務式住宅，並喺上址逗留咗半小時再由一位女友人陪落樓，期間發現千語BB將頭髮整理過之餘，又將淡妝化成濃妝。其後千語BB落樓時都好小心四圍望，上車後司機仲幫忙撇甩記者㖭！
 （左圖攝影：徐錦池、畢紹基） |  千語日前被銅鑼灣某coffee shop |  講到手舞足蹈咁 |
 食蛋糕時又大啖食，睇嚟千語BB未受傳聞中嘅情傷困擾。 |  食飽飽就離開 |  仲call咗相熟的士接載 |
