姚子羚同龔嘉欣絕對係圈中好閨密，佢哋自2011年拍《我的如意狼君》演姊妹後，成為好友，兩個性格看似截然不同嘅女仔，不知幾老友，不時促膝談心，又會幫對方買嘢，甚至內衣褲都肯幫對方買埋，早前更搬埋一齊住，果然姊妹情深。
大年初一，子羚同嘉欣出發去沖繩睇櫻花，日前先貼出子羚喺八重岳櫻之森公園嘅相，互相做攝影師，為對方影靚相，今日佢哋去咗美國村食雪糕，子羚喺IG貼咗selfie，留言：「沖繩嘅紅芋同雪鹽雪糕真係好好味呀！忍唔住日日食！」子羚一向咁瘦，就算食多啲都唔怕喇!
 子羚同嘉欣出發去沖繩睇櫻花 |  子羚IG圖片 |  子羚喺八重岳櫻之森公園。IG圖片 |
 今日佢哋去咗美國村食雪糕。IG圖片 |  子羚仲好為食，忍唔住日日買嚟食。IG圖片 |  What you are thinking is what you are becoming… |
 佢哋大年初一出發。IG圖片 |
