廖碧兒家中特別旺丁，佢01年當選國際華裔小姐冠軍後加入娛樂圈，一直留港發展，想當年開始餵養狗仔Mac，點知越養越多，最後一隻變七隻，狗仔家族仲要係四代同堂。今年狗年，廖碧兒就安排愛犬齊齊影全家福。
廖碧兒今日接受《蘋果》訪問時話：「最大狗仔都14歲半，佢哋有埋曾孫，今次影呢輯相，要佢哋望實鏡頭，o氹狗仔好似氹小朋友， 唔係易o氹㗎，要用零食，佢哋似BB都會攰。」廖碧兒嘅愛犬好乖，佢話有四隻係動物醫生，不時出動探訪老人院送暖。
講到呢七隻寶貝犬，廖碧兒話：「佢哋畀咗好多歡樂我，我望住佢哋就好開心，記得第一隻狗喺我嚟香港生活開始養，我每一隻都好關心都好錫，我都估唔到由一隻開始變咗大家庭。最初我拍嘢怕Mac怕悶，我就同佢娶老婆，我放工返嚟，佢哋會陪瞓。」
 廖碧兒家中有七隻愛犬。 |  全家幅( 左起 二孫仔Cappuccino,Bernice,大兒子Mac,新抱Bailey,大孫女Latte,大曾孫男Caramel, 小曾孫女Misto, 細孫仔Kahlua) |  |
 |
