郭富城依家有女萬事足，一提起呢位前世情人個樣就會好冧。不過，城城一直都好保護囡囡，未有公開露面，連中文名都冇透露過，原來囡囡嘅英文名Clant都只係簡稱，今日就因為Uncle Leo，即係古巨基，佢間餅店幫城城囡囡整百日曲奇，城城亦順勢公佈囡囡嘅英文全名原來係Chantelle先啱。


城城留言：「初七人日，繼續祝福人人開開心心過狗年。趁這個人人生日的吉日，亦特別謝謝基仔@古巨基LeoKu的餅店@Alice Wild為囡囡Baby Chantelle烘焙製的寶寶百日曲奇，相當美味精緻，謝謝uncle Leo。也謝謝設計師@Larry Ho的精心包裝設計，這些日子收到很多祝福，再三謝謝大家，希望大家也開心如意、身體健康。」



城城日前兌現承諾，派利是俾全港人，而佢都收到回禮，原來係Uncle Leo 送咗盒餅俾佢囡囡。（資料圖片）囡囡好神秘，城嫂Moka抱住影相都只係得手仔。
囡囡乳名叫Chant，原來全名係Chantelle。