第42屆香港國際電影節今晚喺灣仔會展揭幕，電影節大使古天樂現身支持，仲有電影《盛情款待》主角田中麗奈同王柏傑等到場。
古仔喺1994年同黎明合作過劇集《阿Sir早晨》，黎明今日網上報喜即將成為父親（新聞連結：http://bit.ly/2IyRwLX
），最初古仔話未睇新聞，對大家嘅說法半信半疑，只係簡單話祝福佢，仲話大家拍劇後就冇再合作同聯絡。
後來當古仔正式看過網上留言後話：「今日睇新聞嘅時候仲未係，好意外，好開心，好高興，做咗父親就係另一個世界，點都戥佢開心。」而古仔自己以工作為主。
至於田中麗奈話10年前同朋友嚟過香港旅行，最喜歡香港中國菜，但因為噚晚先到港，今日要出席活動，還未有機會去食。練得一口流利國語嘅佢希望進軍香港拍電影，挑戰各種不同角色。而王柏傑就話今次來港同時宣傳同郭書瑤合作愛奇藝網劇，第一次同郭書瑤合作，覺得對方係好活潑、好動、好火一位女孩子。
 古仔聞Leon做爸爸，送上祝福。 |  想當年古仔同Leon合演《阿Sir早晨》 |  田中麗奈來港宣傳 |
