陳秀雯、劉雅麗噚晚喺灣仔伊館擔任「真．經典電視主題曲演唱會」嘉賓，李龍基、劉雅麗分別唱出《濃本多情》、《心債》、《明星》懷念哥哥張國榮同梅姐梅艷芳，全場觀眾開晒手機燈，場面感人，劉雅麗感慨話：「哥哥同梅姐走咗15年，但我冇忘記過，佢哋已經變咗天上嘅星星。」
好耐冇喺幕前演出嘅陳秀雯，就話出台前，心情好緊張：「個心跳到澎澎聲，可能少出台，我見劉雅麗，李龍基等出台，好似等巴士咁自然。」會唔會復出唱多啲歌?佢話：「我做一次騷要準備好耐，feel good就做。」
講到佢喺台上讚自己個仔好靚仔，佢笑言：「靚㗎！o依家30歲，有自己事業，唔會入行。」問到囝囝娶老婆未?陳秀雯笑言：「我再講佢，返到屋企就同我反枱，我唔心急飲新抱茶，唔想輩份咁快升高。」
 陳秀雯好耐冇喺幕前演出。 |  噚晚換咗兩套衫，講起囝囝仲好心甜。 |  |
