台灣女星徐熙媛(大S)上月因感冒未癒引起癲癇復發突然昏倒，送台北榮總掛急診住院，有傳大S陀第三胎，出現暈眩不適係懷孕加上患感冒幾日未癒，之不過BB未滿3個月，「怕小器」唔講得住，大S留醫五日後出院(新聞連結：https://bit.ly/2pJNN6k)
。
今日台灣《蘋果》再向大S求證係唔係懷第3胎，大S證實：「有，但才7周，一切都很難說！」大S解釋之前唔想講係陀B未滿3個月，41歲大S現時擔心身體「真的不太吃得消了，太高齡了」，所以佢坦然抱平常心：「這次就隨緣吧，因為之前決定不生了，所以接了不少工作，還是會去做。」
據知BB今年底出生，佢同老公汪小菲亦開始積極做準備，調整飲食及詢問醫生意見，唔想再發生昏倒事件，之不過去6月大S出席S HOTEL開幕活動，就講明為咗身體健康，絕對唔會再生第三胎，又話同老公討論要做結紮手術，睇怕呢一胎都係意外懷孕，一年又造人成功。
