藝人田蕊妮昨日出席公開活動，談到老公杜汶澤失落金像獎，她說﹕「佢冇事，反而係我有啲失落，頒獎嗰陣我好緊張，真係好希望佢團隊任何一個人攞到獎，自己都會好開心。唔緊要啦，嚟緊佢會努力啲再接再厲。（有冇安慰老公？）冇呀，佢好輕鬆，只喺宣布嘅一刻捉住我隻手。」
阿田又透露近日忙於錄新唱片，但進度有延誤：「因為最近聲帶有事變厚咗，醫生話要我一個月唔講嘢，咁樣梗係唔得啦！所以我冇理到佢。但依家會溫柔啲講嘢，養聲呀。」她表示推出Hi-Fi靚聲碟，當中有10首廣東歌，其中7首是翻唱男歌手的金曲，其餘三首則是新歌
