「索腿天后」陳敏之，佢一對長腿，無論着長褲、短褲或長裙、短裙都係好吸睛，敏之日前同區永權去咗台北拍大台一個新嘅旅遊節目。


敏之喺社交網貼咗一張着喇叭爛牛仔褲相，仲擺出型格風甫士，驟眼望去似冇拉鏈同冇扣鈕，身為人母嘅敏之大解放變「辣媽」，網民見圖都「嘩」聲四起，當然有人話呢啲係「fat唇」，用心睇真啲，佢當然冇咁大膽，只係牛仔褲款式係褲中褲。


「辣媽」敏之今日回覆傳媒時話：「其實嗰條係腰帶，入面先係牛仔褲，造型師幫我襯咗20套衫，合共四篋行李。我呢次去台北拍一個介紹台灣好玩好食嘅新節目，噚日第一天開工。」


敏之話呢次出差長兩個禮拜，離開囝囝雷冬至咁耐，佢有啲心掛掛，但為咗工作冇計，即使出發已超多行李，但敏之話行程中睇到啱囝囝嘅玩具，一定要買禮物番嚟送畀囝囝。敏之呢次拍檔係區永權，問到敏之可會趁機交流湊仔經，佢話一定會，噚日台北首日開工，敏之同區永權有空即互影，敏之仲叫區永權扮chok，但區永權似乎唔太慣。



區永權唔夠chok？冇拉褲鏈？冇扣鈕區永權目不斜視「辣媽」陳敏之