唔計中環個d專業人士、大老闆或政府高層人員,我發覺大部份著老西返工嘅多數都係地產sales、保險sales、傳銷sales、行街sales或低級文職人仕。好多一睇個髮型就知係低學歴mk,正統既中環精英(高學歷及良好家庭背景)根本唔會剪個mk頭襯老西。
呢班低學歷mk因為窮, 自卑怕比人睇唔起, 所以只有靠套老西嚟挽回自信及尊嚴。
反而我見好多真正有錢嘅人都係著得好求其, T恤牛仔褲短褲拖鞋,我識好多中小企老闆(平均身家資產約3千至5千萬)都係著普通便服返公司
我識有個阿叔40幾歲著牛記笠記成個地盤工咁, 但後來先知佢有幾個單位10幾間劏房出租比人, 一個月淨收租都7、8萬,唔洗返工,
平時揸住架benz周圍去搵朋友飲茶食飯吹水。
反而d死mk西裝乞兒, 住公屋迫巴土, 銀包又冇錢, 真正金玉其外，敗絮其中!!
豪宅同甲級商廈保安都要你著全套西裝
話要咩專業形象
反而返office果d通常唔著褸唔打tie
西裝，是不少上班族的戰衣。一件老西除可提升型仔度，亦能塑造專業形象，返工、見客無往而不利。本來著唔著西裝，只是個人及工種需要問題，但有網民卻將此與財富及權力劃上等號，提出「愈窮愈低學歷嘅人愈多著西裝返工」，暗諷愛著西裝的打工仔只是扮嘢，真身其實是「西裝乞兒」！此一偉論，自然有不少西裝友因此被辣㷫。
網民MHF2324近日在網上討論區分享其精心觀察，指撇除中環返工的專業人士、大老闆及政府高層後，發現大部分穿西裝返工者都是「地產sales、保險sales、傳銷sales……」，一看髮型便露餡，其實真身只是「低學歴(歷)mk」。樓主更深入對方的內心世界，狠批相關人「自卑怕畀人睇唔起」，故要「靠套老西嚟挽回自信及尊嚴」。樓主又舉例指身邊不少富貴人士衣著求其，經常「牛記笠記」、「T恤牛仔褲短褲拖鞋」返工外出，反證穿西裝上班的低層人員是打腫臉充胖子，明明「住公屋逼巴土，銀包又冇錢」，卻仍要死充。
此言一出，一石激起千層浪。有網友立即反諷樓主將專業人士、大老闆及政府高層等常穿西裝的人士撇除，等同在說「唔計D(啲)有錢人，全地球D(啲)人都係窮X」的廢話，反而顯得樓主「見識少」，缺乏在大公司返工或出任高職位的經歷，不知道當銷售員隨時人工亦「10萬8萬」，亦不知道甲級寫字樓會有「dresscode」(衣著要求)，返工想「casual(隨意)都唔得」，同時衣著亦反映對工作的尊重，即使真是學歷愈低愈窮愈愛著老西，最少亦反映他們做人非「求求其其」，肯包裝自己。
不過亦有網友讚樓主眼光獨到，認同「愈係高調的人愈無料」，愛名牌正裝打扮者只是「睇落好似有錢」，實際真正有錢人多是「禾桿(稈)冚珍珠」。有網民就指，窮人亦是無計可施才要靠衣著增強自信，因為一般平民「從來未享受過好野(嘢)」，怕被人看低，才會如此武裝。
既然衣著打扮非絕對準則，那麼怎樣才能簡單分辦隱世有錢人？有網民便教路，「老細就算便服，手都會有隻撈(勞力士)」，只要睇撈辨人即可，且分辨別人富貴或貧窮，最重要的還是要看他們「住邊度」。
網民有話說
claimvo：窮人成功之道，初靠衣裝，次靠花言巧語(刷鞋)。
orca：多數公司要求Sales著(著)西裝返工，反而個sales唔著(著)西裝，我會覺得佢唔尊重個客
345g：好多西裝友都係斯文敗類
guthrie：著(著)乜衫查實真係冇咩所謂。最緊要係，住邊度。
川口千裡：人地(哋)著(著)咩都要葡萄？
