張家輝一家三口出動拜年 13歲愛女靚樣罕有曝光
大年初一，汪曼玲（中）跟張家輝夫妻在白雪仙家拜年兼一同合照。
農曆新年，好多小朋友都會嫌無聊兼麻煩而不太喜歡跟父母到處拜年，不過影帝張家輝跟老婆關詠荷的13歲愛女張童 (Brittany)就很乖女，每逢農曆新年都會跟住爸爸媽媽去鄰居兼粵劇名伶白雪仙家拜年，今年亦不例外，而且愈大愈靚女的張童亦被網友指受得爸爸媽媽遺傳。
Brittany細個時，張家輝跟關詠荷都曾經帶她見傳媒。
張家輝同關詠荷一直很保護愛女Brittany，甚少帶她出來見傳媒，所以大家對於Brittany現時的樣子甚為好奇。直到大年初一，張家輝帶住老婆同Brittany去仙姐屋企拜年，資深傳媒人汪曼玲、陳寶珠、關錦鵬等藝人當日亦有在場，汪曼玲事後更在個人facebook公開跟拜年認證相，Brittany的靚樣才罕有曝光。
汪曼玲公開拜年相， Brittany愈大愈靚完全跟爸爸媽媽一個餅印。
夾在一堆大人中間、身穿簡約白T恤對鏡微笑的Brittany青春少女味十足，而且愈大樣子愈似爸爸媽媽，有網民搞笑留言：「我見到張家輝同關詠荷嘅基因喺度鬥爭緊」！確實仔細看一看，Brittany的輪廓似足媽媽一樣咁靚，但同時眼同鼻又同張家輝倒模一樣，總知就是靚女一名。
